Ўзбек тилидаги Муқаддас Китоб 2012
⛶Калом, Чоршанба, 9 Сентябрь 2026
Бугун қайғурманглар, ахир, Эгамиз туфайли топган севинчингиз нажот қўрғонингиздир.
Таврот, Неҳемия 8:10
Биз муқаддас Худога умид боғлаймиз, У туфайли юрагимиз шодликка тўла.
Забур 32:21
Таврот, Неҳемия 8
| 9 Бутун халқ Таврот сўзларини эшитганларида йиғлади. Лекин ҳоким Нахимиё, руҳоний ва тафсирчи бўлган Эзра, шунингдек, халққа Тавротни тушунтирган левилар бутун жамоага айтдилар: “Бугунги кун Эгамиз Худога бағишланган муқаддас кундир, шунинг учун қайғурманглар, йиғламанглар.” |
| 10 Кейин Эзра халққа деди: “Энди уйларингизга қайтиб боринглар, ёғли таомлар еб, ширин шароб ичинглар. Ҳеч нарса тайёрламаганларга таомларингиздан беринглар. Бугунги кун Раббимизга бағишланган муқаддас кундир. Бугун қайғурманглар, ахир, Эгамиз туфайли топган севинчингиз нажот қўрғонингиздир.” |
| 11 Левилар ҳам жамики халққа: “Хотиржам бўлинглар, қайғуга ботманглар, чунки бу кун муқаддасдир”, деб тасалли бердилар. |
Забур 32
|
20
Жонимиз Эгамизга мунтазирдир, У бизнинг мададкоримиз, қалқонимиздир. |
|
21
Биз муқаддас Худога умид боғлаймиз, У туфайли юрагимиз шодликка тўла. |
|
22
Эй Эгам! Сенга ҳамон умид боғлаймиз, Содиқ севгинг бизга ёр бўлсин. |
uz-Cyrl
Ўзбек тилидаги Муқаддас Китоб 2012